دردشة خاصة بالحوااااااااامل

شحالكم؟
الحمدلله نورانية على الصحة
شخبارش غناتي؟ وشخبار نفسيتش؟
المفروض أحصن على هالخبر
الله يفكش منه على طول ويريح بالش ويسهل عليش وعلى أم فطوم
الله يهونها عليكم

بالنسبة للخياطة الحمدلله اللحين أحسن بواجد يمكن من بعد 10 ايام من ولادتي صرت زينة واقدر امشي بدون ألم وتعب
استخدمت أول اسبوعين ميبو
وللحين ماطاحت الخيوط
وصاير ألم ظهري أكثر من ألم الخياطة لأنه مستمر ويايي للحين
واذا انسدحت عليه مدة مااقدر اقوم على طول

ام فطوم امسكي روحش استني رجلش يجيش مو تستعجلي
الله وياكم

بعدني معاناة ويا سجود على الحليب
بس كمن مرة يشرب كل يومين يمكن مرة مرتين ولا يشبع طبعاً
لأنه يشرب من جهة واذا باحطه على الجهة الثانية مايرضى او يكون نام
اني خايفة انحليبي ينشف لأني بعد هالأيام مااشفطه

وامس غيرت حليبه اخذت ليه حق ناقصي النمو نيوماشور سيميلاك ووضعه مو عاجبني اليوم
مانام ولا يشرب عدل وكلا صياح وغير الغازات اللي مهي راضية تروح
ابغى بس اني ارضعه عشان غازاته تخف بس على الله هاليومين يتغير الوضع
والامساك الحمدلله راح

هلا ام زهراء .. اخبارش .. متى بس اولد ونجي نسولف وياش عن الأولاد والحليب والحفاظات خخخخخخخخ
سيدون بيكمل شهر فديته واحنا ماولدنا هههههههه .. عندي احساس يمكن اولد الأربعا لو الخميس مجرد احساس بس ..
الله يسهل ..

هلا بنات دعواتكم عندي ألم مو طبيعي في الظهر .. اللي يصبرني واتحمل للصبح علشان باروح المستشفى .. ولا ادري هو طلق لو لا ..دعواتكم ليي ..

بسم الله الرحمن الرحيم
اللهم صلِ على محمد وآلِ محمد وعجل فرجهم والعن أعدائهم

إلهي كيف أدعوك وأنا أنا .. وكيف أقطع رجائي منك وأنت أنت
‘لهي إذا لم أسئلك فتعطيني .. فمن ذا الذي أسئله فيعطيني
إلهي إذا لم أدعوك فتستجيب لي .. فمن ذا الذي أدعوه فيستجيب لي
إلهي إذا لم أتضرع إليك فترحمني .. فمن ذا الذي أتضرع إليه فيرحمني
إلهي فكما فلقت البحر لموسى عليه السلام ونجيته .. أسئلك أن تصلي على محمد وآله وأن تنجيني مما أنا فيه وتفرج عني فرجاً عاجلاً غير آجل بفضلك ورحمتك ياأرحم الراحمين
اللهم صلِ على محمد وآلِ بيت محمد

ياربي انك تسهل على أم فاطمة ونورانية ولادتهم وتفرج عنهم وتسلم أولادهم يارب العالمين


قلبي وياكم أتمنى تصير عندكم فرصة تطمنوني عليكم

اسم الله عليش غناتي ماعليش منهم ولا تخافي
لا تنسي سالفتي أني بعد
قالوا بيسووا ليي تحريض وان مانفع بيسووا عملية لأني بولد مبكر وكنت بولد اسبوع 38
ودكتورتي الروماتيزم تقول اولدي بدري المفروض من اسبوع 34 لأنش جذي ولا جذي بتولدي قيصرية
وأحبطتني
وهذاني ولدت اسبوع 35 وطبيعي الحمدلله

انتين لا تخافي وتوكلي على ربش
الله لا يضيع تعبش ويهونها عليش ويرزقش الولادة السهلة الطبيعية ان شاء الله يارب ياكريم

مرحبا بنات اخباركم .. ام زهراء اخبارش واخبار سيدون .. نورانيه اكيد اللحين ولدتي وعندش البيبي ..
اني خلاص تحدد لي موعد العمليه يوم الاحد وسلمت أمري الى الله والى أهل البيت ..ان صار شي من اليوم للأحد كان بها ماصار شي فخلاص العمليه بتم ..وعلى قولة الدكتور اني اني متأخرة بعد طبعا هذا كلام 6 دكاترة دخلت عليهم في أكثر من مستشفى وكلهم يقولو نفس اللكلام ودكتورتي بعد تقول نفس الشي .. ادعو لي بالتسهيل وان شاء الله لاط لعت من المستشفى بالسلامة أطمنكم عن أخباري ..

ألف ألف حمدالله على السلامة
الحمدلله رب العالمين
شخبارش غناتي وشخبار صحتش؟
فرحتيني مرررررررررة
الله يخلي لش فطوم وتتربى في عزش وعز ابوها
شخبارها اللحين؟
الف الحمدلله
يالله نستنى قصة ولادتش
وعقبال أم فطوم الثانية تقوم بالسلامة ان شاء الله وولادة طبيعية

أني وسيدون الحمدلله بخير
ودي اشوف هالكتكوتة الله يخليها

لا حول ولا قوة إلا بالله العلي العظيم
الله ينصر الله البحرين نصر عزيز مقتدر
الله ياخذ بحقهم
الله وياهم حافظهم

ضاقت صدورنا ومانقدر نشوف هالمآسي زيادة

اللهم صل على محمد وآل محمد الطيبين الطاهرين
ايه والله ضاقت صدورنا على اهالينا في البحرين
اللهم عجل لوليك الفرج
ام سيد سجاد الله يسلمش ويارب تكون ايامش كلها فرح وسرور الله يبعد عنش الهم
انا قررت اليوم مااشوف الأخبار لأن نفسيتي مرة تعيت خاصة أهلنا بحرينين ومانعرف ش اخبارهم الحين
ش اخبارش غناتي واخبار السيد انا هاليومين ماقدرت ادخل الدردشة اللابتوب حقي عطلان والحين استخدم جهاز ثاني
احس نفسي تعبانة فطومة ياعمري عندها مغص شديد تمنيت الألم فيني ولافيها
ماتقدر تنام مع اني اعطيها قطرات ضد المغص دايما تصرخ ليل ونهار واذا تعبت تنام حتى الرضاعة وقت اللي تجيها الآلام ماتقدر ترضع
احس حتى وزنها مازاد حتى لما زارتني زوجة اخوي في المرة الثالثة قالت لي ضعفت مرة وين خدودها
شكيت حتى في الحليب الطبيعي قلت اكيد مايشبعها وزاد الطين بلة لما جاها مغص شديد وصارت ترفض ترضع
اكتب لكم وهي في حضني ماودي أشيلها لاترجع تصرخ من الألم
كثرت عليكم السوالف
الا بسألش ام سيد سجاد متى طاحت خيوط التوسيع ؟؟وش سويتي ومتى انقطع عنش تكرمي الدم
انا ماخليت مرهم ولامطهر وللحين ماطاحت لخيوط والدم ماانقطع عني مع انه مر اسبوعين كل يوم غسل ووضوء عند كل صلاة الله يعين
وكل يوم لازم اجهز بدري عشان الزيارات احس وقت ماعندي حتى احيانا الأكل آكل بسرعة بسرعة ليتني جلست عند امي
احس من كثر حركتي في البيت جروحي ماتبرى بسرعة بالعكس تلتهب اكثر
حتى التلفونات مااقدر ارد عليها يا تكرموا في الحمام او اارضع او اغير لبنوتتي او اسبحها او اسبح او اجهز للضيوف حوسة



أم فاطمة اكيد الحين ولدت بالسلامة الله يحفظها ويحفظ النونو الصغيرون
قاعدة احاتيها مرة متى تدخل بس وتبشرنا .ز

هلا غناتي نورانية
الله يسمع منش وينصر أهل البحرين ويفك كربهم ويعجل فرج إمامنا يارب
أني والسيد الحمدلله بخير
هداهوه من طلعته للحين ووياه هالغازات تخف وتزيد ومأذيتنه
وهذاني من اليوم بديت اعطيه شاي الأطفال بالبابونج واستخدمت ليه ادوية للغازات
أدوية الأطفال يترواى ليي كلها عندي
وسلامة فطوم ماتشوف شر يارب
سجود من اسبوعين يمكن او اكثر صار عنده مغص بعد وترجيع ورحت به مواساة القطيف
وعطاه دوى وغير الحليب عشان الترجيع وصار زين الحمدلله
الحليب كان نوفالاك لحالات الارتجاع ومن خف الترجيع رجعت للسيميلاك
والدوى اللي عطاني وياه كان حق الغازات ويوم رحت مواساة الدمام ذاك الاسبوع ووريته الدكتور قال المفروض مااستخدمه
وماعجبني الدكتور اصلاً لأني اتابع عند دكتورة وماكانت موجودة ودخلت عليه
تخيلي عطاني كالسيوم ومكتوب الأعمار من 6 شهور ولما وريته اليوم الدكتورة قالت لا تستخدميه

استخدمي اليانسون صديقتي بتها عمرها 6 شهور تقول من اول ماجابتها من تحس وياها مغص ولا لاغازات تسوي ليها يانسون
اني بعد سويت مرتين ثلاث لسجود عن الغازات

أسئلتش محرجة بصراحة لأني ماأحط بالي على الوقت :S
الخيوط ماحسيت ليها طاحت ماشفت شي يعني
ولما رحت من اسبوعين عشان ظهري وشيكت على الخياطة تقول خلاص طاحت حتى استغربت لأني ماشفت شي
ومن كم يوم كان فيه خيطين مرة متدلدلين بس جريتهم شوي وطاحوا
يعني استني لقريب الأربعين
والدم نفس المعاناة قبل كل صلاة غسل اول اسبوعين بعدين خف وصرت تقريباً بس من اقعد من النوم اغتسل
بس مو دائماً يعني يزيد ويخف
وهذاني طلعت من الأربعين ماصار ليي اسبوع ومن كم يوم ينزل مني دم شوي ومادري ويش
بسألكم متى تجي أول دورة؟!!
المشكلة انه شوي

وبالنسبة للوقت الله يعينش ياغناتي
أني عند أمي وكل شي عليها أحس وهذاني مايمديني أسوي شي وأحس مايمديني آكل شحال انتين الله يعينش

فيه بعد صحيح حليب للمغص لأن عندي ورقة نوفالاك وفيه أنواع الحليب
وشاي الأطفال بعد دوري عليه قريت انه زين للمغص
الحليب اسألي عنه طبعاً دكتور مو تاخذيه وبس لأنه مايصرف الا بوصفة وان شاء الله ماتحتاج
جربي اليانسون وان شاء الله يارب ماتحتاجيه لا هو ولا غيره

كم وزن فطوم اسم الله عليها يوم تجيبيها؟

وأم فطوم إن شاء الله تكوني بخير للحين نستنى تطمنينا

اللهم صلي على محمد و ال محمد و عجل فرجهم كيف حالكم نورانية و ام سيدون الحمد لله ع سلامتش نورانية ومبروك ما جاش وتتربى بعزش يارب وبالغه فيها عروس مع اخوتها يارب والله يجعلها من خدام فاطمة ()

الحمد لله رب العالمين ولدت يوم الأحد 8 ربيع ثاني طبعا تأخرت و لا جا طلق و قررت أسوي العمليه و لا اخاطر بحياة النونو ع النهاية و كان هذا الكلام بنصيحة الدكاترة اول بس ماقتنعت من البدايه و بعدين صار الي صار ألف الحمد لله ع كل حال وجبت ولد سميناه محمد بالصلاة ع محمد وال محمد طبعا كنتو ع بالي ابشركم بس تعرفو للحين تعبانة و الامساك قاتلني اعظم من العملية حتى الصياح اصيحه لا رحت الحمام و دي اسولف وياكم ان شاء الله بس اصير احسن بادخل كل يوم لاني داخله من جوالي الحين مع السلامه دعواتكم لينا ويلا افتحو موضوع جديد مانبى دردشة حوامل لاعت جبودنا من الحمل خخخ باي

هلا وغلا بأم محمد
الحمدلله على السلامة
وأخيراً طمنتينا عليش
أني كل يوم أدخل استنى بس أحد يدخل منكم
الحمدلله على سلامتش وسلامة حمود يتربى في عزكم ودلالكم
الله يخليه ليكم ويخليكم ليه
ماتستخدمي دوى للامساك؟
الله يعينش اني اذكر بعد الولادة اذا عطست تألمني الخياطة شحال الامساك
الله يفرج عنش ويعطيش الصحة والعافية

هدحنا غيرنا المواضيع له ماتشوفينا نهدر عن جهالنا والخياطة
خلاص كبرنا هع

الا بسألش وين بتطهري ولدش؟
أني أبغى في بروكير قريت عنه مرة تمام ورجلي مو راضي مو طايق المستشفى يبغى في مضر واني قريت عنه بعض التجارب مو زينة
كنت أستنى يوصل وزن سجود 3 كيلو وامس يوم وزنته وصل 3 كيلو و200 يعني يمكن على اسبوع الجاي اطهره ان شاء الله بس بسأل أول الدكتورة

هلا ام سيدون اخبارش اخبار السيد نورانية اخبارش واخبار فاطمة الحمد لله رحت المستشفى و الإمساك خف شوي عني و اليوم رحت موعدي بعد العملية الدكتور قال كل شي اوكي الحمد لله ولدي طهروه يوم ثاني من الولادة جا لي دكتور الأطفال و قال اليوم بنطهرة وعطوني مرهم فيوسيدرم احطه عليه بعد كل تغيير و للحين ماطاحت الحلقه هم قالو لي تاخد من 10 الى 14 يوم و اليوم 9 واشوفها اليوم بدأت كأنها بتطيح قريب و اما سرته اليوم طاحت بس مادري كيف صايرة اقول لامي الله يستر مافيها التهاب تقول لي بلا هوس كالعادة خخخ ماعندي خبرة في المستشفيات بس حماتي صار لها سنة ولدت في المانع و طهرو و لدها هناك بس لا تطولي على سيدون لانه كلما كبر بيحس بالألم اكثر و يلا حطي همتش في ترضيعة خليه يستوي على قلبي _ وشو نوع الحفاظات الي تستخدموه اني اخدت بامبرز و احسه مو عاجبني وحمودي المستشفى كانو يستخدمو وياه هجيز احسه احسن من بامبرز شكلي بس يخلص الي عندي باغيره له

يالله متى تفضوا وترجعوا الدردشة وتردوا على أسئلتي :D
الدكتورة من يومين يوم اروح الموعد وياسجود قالت ليي خلاص انظم الرضاعة
هي كانت المفروض كل 3 ساعات وكل ماصاح ارضعه عشان يزيد وزنه
واللحين قالت خلاص من 6 الصبح ارضعه كل 3 ساعات الى 12 الليل
وبعدين من 12 الليل الى 6 الصبح اعطيه اعشاب
يانسون وشاي اطفال
من يومين بدأت وياه اول امس عطيته شاي اطفال وامس يانسون
بس كلا يصرخ من بطنه ولا يشبعه يشرب الرضاعة كلها ولا تكفيه احسها تعبي بطنه على الفاضي
مادري هالطريقة عدل؟
تقول الدكتورة خلاص اذا شاف كلا اعطيه اعشاب في الليل بعدين مايقعد هالوقت يصير كلا نايم
بس اليوم وياه امساك وعور بقلبي كلا يصيح وعطشان وخلصت رضاعة اليانسون شربه كله واستسلمت ورضعته

ايه قولوا ليي هالطريقة عدلة؟ أني لأن خفت من شربته الشاي ويوم ثاني جى ليه امساك وخفت منه
الدكتورة تقول عادي من الغازات لأن بطنه منفوخ منها

هلا ام سيدون والله مايندرى عنهم الدكاتره كل واحد يقول شي على كيقه مامن احسن من كلام امهاتنا . اني دكتور حمودي قال لي لازم ارضعه وايد علشان الصفيرة تنزل وقال قد ما تقدري شربيه و اهم شي مايظل 3 ساعات بدون شرب وقال تعرفي البيبي يشرب شوية وينام ما باقولش كل ساعتين او ثلاث وهذاني كلما صاح عطيته و يا كم رضعة صناعية مساعدة لا كنت نعسانة بس مادري ام سجاد كيف بتخليه على شاي و اعشاب طول الليل وهم اليهال يبدأ دوامهم اخر الليل احس صعبه اني من رايي كلما قال يبى اعطية مامن احسن من حليب الام علشان لا يعيف الطبيعي و يتعود على الرضاعات بس ونشوف نورانية وش رايها بعد