| دردشة خاصة بالحوااااااااامل | |
|
+7ام جعفر دمعه شوق حلم جميل um fatima شجون الطف أماني نورانيه 11 مشترك |
|
كاتب الموضوع | رسالة |
---|
um fatima الرتبة
عدد الرسائل : 111 تاريخ التسجيل : 04/10/2010
| موضوع: رد: دردشة خاصة بالحوااااااااامل 15/2/2011, 01:38 | |
| صباحكم بركة بالصلاة على محمد وال محمد أخباركم .. ام السادة اخبارش واخبار السيد الصغير ان شاء الله بخير وكيش مع الدوام الجديد ببعد ماطلعتيه من المستشفى اكيد قلب حياتش ونظامش فديته :) نورانيه اخبارش ؟؟ دخلتي المستشفى ولا بعدش .. والله اني مانسيتش من الدعاء .. واتمنة انتين بعد ماتنسيني .. وان شاء الله نسمع عنش الاختبار الطيبه وتقومي بالسلامة يارب بحق ممحمد وال محمد .. | |
|
| |
um fatima الرتبة
عدد الرسائل : 111 تاريخ التسجيل : 04/10/2010
| موضوع: رد: دردشة خاصة بالحوااااااااامل 15/2/2011, 01:39 | |
| ^ ^ ^ ^ الرد كله أخطاء املائية عاتي عاتي ماكو احد غريب .. | |
|
| |
نورانيه الرتبة
عدد الرسائل : 126 تاريخ التسجيل : 02/10/2010
| موضوع: رد: دردشة خاصة بالحوااااااااامل 16/2/2011, 16:52 | |
| هلا بالغاليات كيف حالكم وش الأخبار أم سيد سجاد ان شاء الله الحبيب الصغيرون طلع بالسلامة وأخبارش ام فاطمة مع الحمل وتعبه انقطعت عنكم بسبب المستشفى أولاً والنفسية ثانيا اللي وصلت صفر بس أصيح ودموعي اربع اربع والإستشارية خوفتني لكن أبشركم أبشركم لسى ماولدت هربت من المستشفى بكبره بيولدوني غصب وزوجي رفض وأمي نفس الشي مو راضية وسوينا خيرة عند الشيخ وقال موزينة بالمرة فيها تعب قبل كم ساعة سوينا سفرة أم البنين سلام الله عليها وان شاء الله ببركات أم البنين وشفاعتها تنقضي كل حوائجنا وحوائجكم انا وكلت امري لرب العباد الله يحفظ جنيني واولد بالسلامة بسرعة امبى طلق طبيعي من ربي الاستشارية فحصتني ولقت الرحم مسكر مع انه دايما تجيني انقباضات وتقلصات قوية خاصة لما امشي لكن سبحان الله مافيه بوادر ولادة قريبة الله يستر علي وعلى جنيني خايفة عليه ادعوا لي اخواتي انا ماانساكم من الدعاء لاتنسوني طمنوني عليكم وش اخباركم بعد انا جهزت تقريبا كل شي حتى شريت بعض الحلويات وبكرة بشتري الباقي ان شاء الله مع المكسرات وتوابعه ونظفت البيت كله من والى تقريبا ورحت صالون التجميل وحفيت والذي منه مابقى لي شي انتظر بس فرج رب العالمين | |
|
| |
نورانيه الرتبة
عدد الرسائل : 126 تاريخ التسجيل : 02/10/2010
| موضوع: رد: دردشة خاصة بالحوااااااااامل 16/2/2011, 17:00 | |
| ماشاء الله ام فاطمة كفيتي ووفيتي ياحلو دردشتكم فديتكم بمووووووووووووت من الخوف على اللي في بطني بسبب السكر وش اسوي حتى الأكل خففت منه ونزل وزني في الزيارة الأخيرة قريب الــ 3 كيلو في اسبوعين بس والجنين في الاشعة صغير كيلوين ومئتين جرام وش اسوي بس لو انه الخيرة زينة كان سلمت نفسي وخليتهم يولدوني لكن ترى مرتين اسويها وتطلع مو زينة الله لايذوقكم مرارة اللي اعيشه الحين أبدا أبدا القاكم على خير عن قريب | |
|
| |
نورانيه الرتبة
عدد الرسائل : 126 تاريخ التسجيل : 02/10/2010
| موضوع: رد: دردشة خاصة بالحوااااااااامل 16/2/2011, 17:11 | |
| أم زهراء غناتي نسيت أسألج بما انه وزن سيد سجاد صغير زي اللي في بطني حسيتي انه صغير مرة يعني شكله يبان انه صغير مرة مرة خايفة اولد وهو صغير ومااعرف اتصرف وياه شكلي مابعرف حتى اسبحه انا خوافة مرة مااقدر حتى احملهم يعني وزنهم فوق الثلاثة كيلو بالعافية اقدر اسبحهم ولازم مساعدة | |
|
| |
Om Zahra الرتبة
عدد الرسائل : 75 تاريخ التسجيل : 24/10/2010
| موضوع: رد: دردشة خاصة بالحوااااااااامل 16/2/2011, 19:58 | |
| هلا بالغوالي الحمدلله يوم الأحد طلع سيدون بالسلامة ونور البيت شخبارش نورانية غناتو ماتشوفي شر اني كل ماجيتوا على بالي دعيت ليكم والله مابحتاج توصية ولا تخوفي روحش نورانية وان شاء الله ربش كريم وبيسهلها لش بالنسبة لسجاد وزنه .. مادري كل من شافه قال تشونة بس أني أشوفه عادي يمكن عشان تعودت عليه وبالنسبة للتسبوح اني مااسبحه هذي مهمة أمي بس لا تخافي مو عشان انه صغير بس أني لأن ماأعرف للجهال .. ماتعاملت ويا جاهل وسجادي أول حفيد في العائلة نورانية الدكتور لما نزل وزني في آخر موعد قال ليي أشرب زيت زيتون كل مااسوي سلطة احط ليي لأنها تنفخ البيبي ودام سويتي الخيرة خلاص توكلي على ربش وأكيد ربش بيعطيش الأحسن انذري أهل البيت مايخيبوا وان شاء الله ربش مابيخيبش ومايجي اسبوع الجاي الا انتين ولدانة ان شاء الله بالسلامة وتطمنينا على النونو | |
|
| |
Om Zahra الرتبة
عدد الرسائل : 75 تاريخ التسجيل : 24/10/2010
| موضوع: رد: دردشة خاصة بالحوااااااااامل 16/2/2011, 20:15 | |
| أم فطوم شخبارش غناتي هذا الزيت نفسه استخدم لشعر سجاد البيبي اويل احط شوي في شعره بعد مايسبح انتين ويش تستخدمي؟ بالنسبة للرضاعة للحين مايشرب الا بحلمة المرضعة نفس اللي في المستشفى عطوني وحدة حتى شريت حلمة ثانية أصغر مو حقت مرضعة بس مايحبها مايشرب الا من الأولانية يمكن 3 مرات للحين شرب من صدري بس غالباً مايعرف لأن ديك حلمتها كبيرة بالنسبة اذا نام هو على طول من يشرب شوي ينام عاد اني اسوي ليه تحفيز علمتني الممرضة احوس في ادونه افركها على خفيف فيشرب حتى وهو نايم علا عمري هذي ثلاث ايام وياه امساك وغازات ورحت به الليلة المستشفى وعطاني الدكتور تحاميل استخدم نص وحدة مسكين عور بفادي قلت لأمي تحطها اليه ومارضت تدخل حتى لو دخلت ماتثبت وهو قاتل عمره من الصياح قلت خلاص مابتسخدمهم بكرة باخذ ماي الغريب يقول زين وينفخ الجاهل بالنسبة لنظام حياتي ام فطوم الحمدلله نسيت حاجة اسمها نوم متواصل احس مايمديني اسوي شي اصلا حتى الأكل ماصرت آكل زي الأول ويقولوا ضعفت زيادة خلاص رسمي كل ساعتين ثلاث بالكثير اقعد على صيعته وارضعه هذا غير الصيحات الجانبية | |
|
| |
um fatima الرتبة
عدد الرسائل : 111 تاريخ التسجيل : 04/10/2010
| موضوع: رد: دردشة خاصة بالحوااااااااامل 17/2/2011, 16:17 | |
| مرحبا ..ام سيد سجاد اخبارش واخبار سيدون الحمد لله على سلامته وقرت عينش بشوفته .. نورانيه حبيبتي .. الله يعطيش الصحه والعافيه والله اني ماانساش من دعائي والله يسهل عليي وعليش يارب زي ماسهل على ام الساده ^^ النفسية لازم تتعب بس الواحد ماليه الا الصبر والدعاء والله يهون هالكم يوم الباقيين والله اني كل يوم لازم اصيح من تجي المغرب خلاص احس كله ضايق خلقي بس ويش اسوي اتعوذ من ابليس واصلي على محمد وال محمد واقول ياربي ماظل الا هالكم يوم اعطيني الصبر علشان اتحملهم ان شاء الله ببركة هذي الليله والأيام المباركة المحمدية الله يسهل علينا .. اني اللي متعبني اكثر شي هالايام ألم الظهر مو طبيعي عندي احس ظهري منقسم نصين من الالم لدرجه خلاص اقعد اصيح منه مااتحمله واس رحت للدكتورة وقالت لي ضغطي على مهاية الطبيعي ويبغى ليي أنتبه ليه لا يرتفع وماكثر ملح ولا وبهارات ولاشاي ولا قهوة وضيقت خلقي زياده وبس سمعت النبض وقالت لي قومي واليوم رحت المستشفى اللي بولد فيه وسوو لي مسحه وتحليل الهيمو جلوين .. وقالت الدكتورة انه ماعندي مشاكل كل شي االحمد لله وان شاء الله أولد طبيعي هالمرة .. بس اللي مضيق خقي هالناس بأسألتهم يعني أني وش دراني كيف بأولد طبيعي ولا عمليه ولا متى تحسو الوحده يالله متحمله نفسها وضيقة خلقها علشان يجو الناس يزيدوها وكل وحده تفتي لي شكل في المستشفى لدرجه اذا احد سألني متى بتولدي اقول قريب بس واذا قالو وين اقول ليهم للحين ماقررت لاني صرت أتضايق عدل أطلب منكم تدعو ليي ولزوجي الله يسهل امورنا ونفتك من الغربه لاني متضايقة عدل كوني اخر شهر وهو مو ويايي فيه واحد وعده بنقل قريب ادعو لينا يخصو اوراق زوجي بسرعه ويوافقو على النقل يارب ان شا الله بحق محمد وال محمد احس اني هدرت هدرة وايد بس ويش اسوي ضايق خلقي وتعبانه نفسيا وجسديا بعد .. ومالي غيركم أفضفض ليه .. يلا اشوفكم على خير ولا تنسوني من الدعاء في هذه الليله المباركة .. | |
|
| |
um fatima الرتبة
عدد الرسائل : 111 تاريخ التسجيل : 04/10/2010
| موضوع: رد: دردشة خاصة بالحوااااااااامل 19/2/2011, 07:35 | |
| ام سيدون اخبارش .. واخبار سيدون ان شاء الله خف بطنه .. نورانيه اخبارش ياغناتي طمنيني عنش ... طمنونا عنكم .. اني الحمد لله بخير .. لازم شوية الام بس تحتمل .. وهاليومين ضايق خلقي مرة مرة على أهلنا في البحرين الله ينصرهم على الظالمين .. ومانملك ليهم الا الدعاء ..,, اشوفكم على خير .. | |
|
| |
Om Zahra الرتبة
عدد الرسائل : 75 تاريخ التسجيل : 24/10/2010
| موضوع: رد: دردشة خاصة بالحوااااااااامل 20/2/2011, 13:10 | |
| هلا ام فطوم شخبارش؟ متباركين جميعاً بمولد منقذ البشرية ان شاء الله يارب بحق هالليلة وصاحبها الله يسهلها ويهونها عليكم وان شاء الله أم فطوم مايخلص هالاسبوع الا النقل جاي لزوجش وترتاحوا وتفتكوا اني والسيد الصغير الحمدلله بخير ام فاطمة هوني عن القهوة والشاي لاويه تشربيهم هالفترة؟ بالنسبة الى الناس هدرتهم ماتخلص اني عشان جذي لما حملت قلت بس لأهلي وقلت ليهم لا تقولوا لأحد لا هدرتهم ولا أسئلتهم تخلص ذكرتيني بجارتنا جايتنا من كم يوم وشافت ولدي ويش سميتيه قلت ليها سيد سجاد قالت كان سميتيه محمد لو علي مادري ويش يلقفهم ويالله تحملوا هالاسبوعين هانت ان شاء الله أول أمس شريت حليب سيميلاك وهذاني اعطي سجود منه أرضعه من صدري شوي مرة لو مرتين في اليوم والباقي كلا رضاعات مع ان الدكتورة قالت ليي أرضعه عشر دقايق من صدر وعشر دقايق من الثاني واكمل عليه بالرضاعة لكن مشكلته يعرف يشرب بس من واحد وهذاني افكر ارضعه من واحد واللي مايعرف ليه اشفطه استخدمت ليه تحميلة واشوفه هاليومين الحمدلله مشى بطنه والغازات خفت يالله يالله انتون بعد اولدوا وخلصوا خلونا نهدر هدرة مابعد الولادة :D نورانية انتين اللحين متى قالوا لش تروحي مرة ثانية تولدي؟ ولا تستني الطلق ماحددوا موعد؟ | |
|
| |
Om Zahra الرتبة
عدد الرسائل : 75 تاريخ التسجيل : 24/10/2010
| موضوع: رد: دردشة خاصة بالحوااااااااامل 20/2/2011, 13:11 | |
| الله ينصر اهل البحرين ويفرج همومهم نصر من الله وفتح قريب | |
|
| |
um fatima الرتبة
عدد الرسائل : 111 تاريخ التسجيل : 04/10/2010
| موضوع: رد: دردشة خاصة بالحوااااااااامل 20/2/2011, 13:29 | |
| متباركين بالمولد .. وان شاء الله الله يقضي حاجاتنا بحق محمد وال محمد .. والله يفرج عن أهلنا يارب .. لا تنسوني من الدعاء ام سيد سجاد ونورانيه .. محتاجة لدعائكم مرة .. | |
|
| |
نورانيه الرتبة
عدد الرسائل : 126 تاريخ التسجيل : 02/10/2010
| موضوع: رد: دردشة خاصة بالحوااااااااامل 20/2/2011, 14:43 | |
| متباركين بالمولد الشريف غنااااااااااااتي انا ماانساكم ان شاء الله من الدعاء وانا بعد محتاجة مرة للدعاء بكرة موعدي ويمكن ادخل تنويم وماادري بولد بطلق صناعي لو عملية لو طبيعي نفسيتي تعبانة مرة بكرة بشوف وش تقول لي الاستشارية اتوقع هذي المرة مابيخلوني اطلع من المستشفى الا بولادة اذا مارديت عليكم بكرة يعني دخلت النمستشفى عشان أولد عشان كده ادعوا لي بتسهيل الولادةحتى لو كانت عملية اهم شي عندي سلامة النونو حليوة هذرتكم وسوالفكم واكيد بتكون احلى اذا ولدنا كلنا ام فاطمة ان شاء الله بحق هذي الليلة العظيمة المباركة ينقل زوجك وتفتكي من الغربة وهمها وان شاء الولادة تكون سهلة ميسرة بحق محمد وآل محمد الطيبين الطاهرين أأم زهراء حاولي ترضعي الصغيرون حتى لاينشف صدرش شوي شوي بيقل الحليب اذا مارضعتيه باستمرار على مدار اليوم الحين هو محتاج للحليب الطبيعي أكثر وقللي من الصناعي خليها مرة وحدة في اليوم ادري فيه تعب بس في البداية والسيد القمر يستاهل يشرب حليب امه اللي مافيه أحلى وألذ منه على طاري الرضاعة شريتوا الغطاء الساتر للرضاعة انا فصلته لي تفصيل ماكلفني شي شفته جاهز لكن غالي ع الفاضي ففضلت اني افصله يالا اشوفكم على خير بروح اجهز شنطة المستشفى حقت الترقيد الله يعين في أمان الله ونسألكم الدعاء
عدل سابقا من قبل نورانيه في 20/2/2011, 14:55 عدل 1 مرات | |
|
| |
نورانيه الرتبة
عدد الرسائل : 126 تاريخ التسجيل : 02/10/2010
| موضوع: رد: دردشة خاصة بالحوااااااااامل 20/2/2011, 14:52 | |
| انا فصلت لي واحد بس وبحاول افصل لي واحد ثاني بس لأني هاليومين مامداني اشتري قماش قطني مناسب حاطة في بالي لون معين ان شاء الله اذا ماولدت بفصله قريب واذا ولدت بفصله بعد الأربعين اذا ماشريتوا لكم سووا لكم لأنه بصراحة روعة خاصة لما يجوا لكم الحريم بعد الولادة ترضعي وانت مرتاحة وهذي صورته والموديل اللي سويته أحلى | |
|
| |
um fatima الرتبة
عدد الرسائل : 111 تاريخ التسجيل : 04/10/2010
| |
| |
um fatima الرتبة
عدد الرسائل : 111 تاريخ التسجيل : 04/10/2010
| موضوع: رد: دردشة خاصة بالحوااااااااامل 21/2/2011, 01:22 | |
| ام سيد سجاد .. جايني ع الايميل من الفوائد الخاصة لأهل البيت ... تيسير الشرب للأطفال سورة البقرة | لو علقت سورة البقرة على طفل ممتنع عن شرب الحليب شرب بيسر و سهوله | جربيها وبتفيد بحق محمد وال محمد .. | |
|
| |
Om Zahra الرتبة
عدد الرسائل : 75 تاريخ التسجيل : 24/10/2010
| موضوع: رد: دردشة خاصة بالحوااااااااامل 22/2/2011, 19:59 | |
| نورانية شكلش تنومتي الله يسهل عليش يارب ويهونها عليش بحق محمد وآلِ محمد ان شاء الله تبشرينا هاليومين بسلامتش وسلامة النونو أم فاطمة شخبارش غناتي اللحين؟ وشخبار ظهرش؟ البارحة طبعت سورة البقرة في ورقة وحطيتها تحت ثياب ولدي يوم قلت باجرب ارضعه بس بعد نفس الحالة مهو راضي ومهو عارف ويعور بفادي اذا سكر من الصياح وعلى طول اسوي ليه رضاعة اللحين استخدم ليه سيميلاك وتقول الدكتورة زين بس قلت بسألها اذا رحت عن حليب ثاني لأني قريت عنه يجيب الغازات وسجود متأذي منها سمعت عن نيرسي يقولوا مرة زين بسألها عنه | |
|
| |
Om Zahra الرتبة
عدد الرسائل : 75 تاريخ التسجيل : 24/10/2010
| موضوع: رد: دردشة خاصة بالحوااااااااامل 22/2/2011, 21:52 | |
| أم فطوم حبيبتي امس طبعت سورة البقرة في ورقة وحطيتها تحت ثياب سجاد الفوقية يوم بارضعه والحمدلله رضع من صدري اليسار لأول مرة بدون شي وان شاء الله يارب على طول الله يهديه واستغني عن الصناعي مشكورة ياقلبي الله يقضي حاجتش وييسر حملش وولادتش ويعطيش الصحة والعافية فرحانة مرة :D | |
|
| |
um fatima الرتبة
عدد الرسائل : 111 تاريخ التسجيل : 04/10/2010
| موضوع: رد: دردشة خاصة بالحوااااااااامل 23/2/2011, 00:52 | |
| هلا ام سيد سجاد .. الحمد لله يوم انه رضع بدون مشكله .. لا تخافي هو بس اللحين مو عارف لانه تنوم في المستشفى ويشوف الرضاعه اسهل واريح ليه وتشبع اسرع لكن ظلي ترضعيه وماتيأسي لا يعيف الطبيعي ان شاء الله كم يوم ويصير خلاص لانه الرضاعات بلى وتتعب ويمكن الغازات اللي فيه سيدون مو من الحليب من الرضاعه واحنا نستخدم سيميلاك واني كنت استخدم لفطوم نان بس هذا اللي قلتي به ماعرفه يلا ان شاء الله ماتاخدي حليب صناعي وايد خلش على الطبيعي .. وتسلمي ياقلبي على الدعوه .. والله يخقق مرادش بعد وتشوفي سيدون معرس وتعزمينا .. نورانيه ربي يسهل عليش بحق محمد وال محمد ..ان شاء الله تدخلي قريبا وتبشرينا عن سلامتش ..وهذاني باقرأ حديث الكساء بنية تسهيل ولادتش .. | |
|
| |
um fatima الرتبة
عدد الرسائل : 111 تاريخ التسجيل : 04/10/2010
| موضوع: رد: دردشة خاصة بالحوااااااااامل 23/2/2011, 00:54 | |
| يلا أني باخليكم اللحين لانه عندي موعد بعد ساعه دعواتكم .. | |
|
| |
Om Zahra الرتبة
عدد الرسائل : 75 تاريخ التسجيل : 24/10/2010
| موضوع: رد: دردشة خاصة بالحوااااااااامل 24/2/2011, 22:09 | |
| شخبارش أم فطوم؟ طمنينا عنش | |
|
| |
um fatima الرتبة
عدد الرسائل : 111 تاريخ التسجيل : 04/10/2010
| موضوع: رد: دردشة خاصة بالحوااااااااامل 25/2/2011, 04:20 | |
| هلا ام سيدون هذاني صامده هههههههههههه للحين مافيه شي .... على قولة الدكتورة لسنا قدامنا اسبوعين ممكن تحصل فيهم حاجات كتير شكلي بادخل الاسبوع ال 40 والولد بعدهو دعواتش ليي .. نورانيه شكلش ولدتي ياغناتي .. ننتظر أخبارش بفارغ الصبر .. | |
|
| |
um fatima الرتبة
عدد الرسائل : 111 تاريخ التسجيل : 04/10/2010
| موضوع: رد: دردشة خاصة بالحوااااااااامل 25/2/2011, 04:21 | |
| اجازة زوجي تبدا الثلاثا .. ان شاء الله مااولد قبل اولد الاربعا لو الخميس مافي مشكله هههههههه | |
|
| |
نورانيه الرتبة
عدد الرسائل : 126 تاريخ التسجيل : 02/10/2010
| موضوع: رد: دردشة خاصة بالحوااااااااامل 25/2/2011, 13:14 | |
| كيف حالكم غناتي وش اخباركم قمورات اخبارش ام سيد سجاد مع البيبي والخياطة كيف ان شاء الله التئمت وأم فاطمة وش اخبار الثقل والتعب خلصتي كل التجهيزات ؟؟ احس بتولدي قبلي ياام فطوم الله يسهل وتولدين بالسلامة يارب انا تنومت في المستشفى وطلعت الحمدلله رب العالمين استقر السكر عندي لأول مرة بفضل الله تعالى وشفاعة أهل البيت عليهم السلام وبفضل دعواتكم لما شافوا القراءات للسكر انتظروا علي لأني رفضت الطلق الصناعي طلبت يستدعوا الاستشارية اللي تتابع حالتي وقلت لها ماودي في الطلق الصناعي وكتبت لي خروج لأن سكري مستقر قالت لو مرتفع كنا ولدناش حتى لو مارضيتي لأن السكر خطير على البيبي واحنا خايفين عليه ادعوا لي يجيني طلق طبيعي خلال هاليومين ومااحتاج للطلق الصناعي ابدا مابقى شي علي لكن عادتي دايما أتأخر في الولادة دايما اعوشر المشكلة فحصتني الاستشارية في آخر يوم قبل ماأطلع ونفس الشي مافتح عندي عنق الرحم وقالت لي امشي باستمرار لأن راس البيبي تحت بس مو نازل في الحوض مايل لجهة اليمين الحين بترككم وراجعة لكم مرة ثانية | |
|
| |
um fatima الرتبة
عدد الرسائل : 111 تاريخ التسجيل : 04/10/2010
| موضوع: رد: دردشة خاصة بالحوااااااااامل 26/2/2011, 02:59 | |
| نورانيه ماتشوفي شر يالغلا والله اني عند كل صيحة أذان ماانساش من الدعاء والله يسهل عليش .. نعوشر نعوشر بس أهم شي تجي ساعة السلامة وتمر على خير نفس الشي اني الراس مانزل الحوض قالت الدكتورة باعتبارش ولاده ثانيه يمكن ماينزل الا حزة الطلق ونصحتني بالمشي وهذاني امشي والله يقدم الللي فيه الخيير .. امس اقول لزوجي يمكن ماتنزل يوم الثلاثا الا اني مافيي دبه يقول لا تو الناس عليش ههههههههه واني بعد احس تو الناس وموصية بيت اخوي خلو جوالاتكم مفتوحه يمكن اتصل ليكم نص الليل تكون عندي حالة ولاده قالو تو النناس عليش الله كريم .. والله يسهل علينا بحق محمد وال محمد .. | |
|
| |
| دردشة خاصة بالحوااااااااامل | |
|