الأمثال الشعبية العراقية

السلام عليكم


لابو علي ولامسحاته

ودع البزون شحمة

نارهم تاكل حطبهم

صياغة الصايغ لبنته

كتلو ربعه وهو يتحزم

التبربش ولا العمى

الحجارة اللي ما تعجبك تفشخك

رجعت حليمة لعادتها القديمة

اللي خلف ما مات

اشتري ولا تبيع

يركض والعشا خباز

بالوجه امراية وبالظهر سلاية

المعرسين اثنين والمجانين الفين

اللي ما عنده فلس ما يسوى فلس

دار السيد مامونة

فوق هندي والتحت بابنجي

المنحوس منحوس حتى لو حطوابراسة فانوس

مثل تفال السمة

ضحك خير والشر على بيت ازعير

سبع صنايع والبخت ضايع

اتريد اتكحلها عمتهة

ياخذك للشط ويرجعك عطشان

الشبعان يثرد للجوعان احروف

بيدر الذهب هم يحتاج بيدر الدخن

چانت عايزه.. التمت ..

جاني بنفسه ما نطيته .. دزلي شعره من لحيته ؟ ..

چاي .. لو چوي حصان ؟

جبت الاگرع يونسني .. كشف راسه وخرعني

جبر .. وأخو جبر .. وثلاثة من گبل .. وعمك المجابلك .. وابوك الله يرحمه

الچبير چلب .. الصغير چلب ابن چلب

جدر الشراكة ما يفور

جدي ينتقم منهم

جرح الگلب مثل الجام .. ما ينلچم

الجريدي لو سكر .. يمشي على شوارب البزون

جزاء الاحسان بگان

جزاء سنمار

جزت من محروگ الصفحة .. ولزگت بعيني

جزنا من العنب ونريد سلتنا

چفيان شر لملا عليوي

چلب الکواز

چلت ايدي والصفا .. والگاع ما تقبل وتد

الجمل بياره غالي .. وبألف رخيص

چو بچيني بعاشور ما ينشرب

جيب البيز .. ودي البيز .. ثاري البيز خرگه

جيب الليل .. وأخذ عتابه

چيسك عند أبو الطماطه

الحاجة .. للمحتاج

الحار جوه .. ياخيار

حامض شلغم ماضوگه .. لو ضربوني بطابوگه

حاميها حراميها

حبلت مثل جيرانها

حتى ابن هرمه صار دفتردار

حجارة الچبيرة .. من الجار القريب

حچاية .. مالها نهاية

حدثني شختي عن بختي

حرامي وتنباگ عباته

حصة الأسد

حصرتني الرٌگصه

حضٌر المعلف .. گبل الزٌمال

حظه نايم بين الورد والرياحين

حظي بكل شي اسود بس بالرگي أبيض

الحگ للسيف .. والعاجز ليدوٌر شهود

حكم القره قوش

حكم نبي الله سليمان

الحكومة حكيمة

الحليم .. يطلع من العواقب سليم

حمارة القاضي .. عزيزة

الحمص والبهارات منين أجيبها ؟

حمينا الماي .. وطار الديچ

حية البيت ما تآذي

العاقل . . اللٌي يفكٌر بعواقب الأمور

عايشين بالصٌلوات

عباس المستعجل

عبٌي بالخُرج

عتٌابْ . . گصوا خشمه وما تاب

عداوة البزون والجريدي

عـدو عاقل خير من صـديق جـاهل

العذر اقبح من الصوچ

عرب وين . . وطنبورة ويـن ؟

عربيه زانم . . مجيده چِيا ؟

العرس عدنا هنا . . مو عدهم هناك

عروگ شفي

عركة ابو الفجل

عزيمة الحصيني . . واللكـلـك

عزيمة الهدهد

عصفور كفل زرزور . . واثنينهم طيارة

العصفور يزمط. . يريد يگمل

عگب الحليب وچاي . . مالح يشربون

عالموت يحسـدون

على هامان . . يا فرعون ؟

عليٌ وعلى اعدائي . . يا رب

عليٌ هم بَللُم

عند الضيق . . لا صاحب ولا صـديق

العنده فرمان يگدر يتفل بلحية السلطان

عورتن . . بلشتن

عيسى انتچل على موسـى . . وضاعــت الجـاموسـة

العين ما تنظر . . والگلب وما يهوى

عيسـى بدينـه ومـوســى بـدينه


وسلامتكم
ملطوش لعيونكم

اقتباس :

عصفور كفل زرزور . . واثنينهم طيارة

ههههه

رااائع مشكوره على الموضوع المميز

الوعد الصادق كتب:

يسلمو ع الأمثال خيتووووو


التبربش ولا العمى
الجريدي لو سكر .. يمشي على شوارب البزون

مثل تفال السمة



ياريت لو الاخوان العراقيين يفيدونا في شرح هالأمثال بكون ممنون

تكرم عينك اخي الوعد الصادق..

التبربش ولاالعمى..التبربش هو عندما يكون الشخص ضعيف النظر بشكل كبير ويكاد لايرى يقولون ..يبربش ..

وتعني ضعف النظر ولا العمى..

الجريدي لو سكر يمشي على شوارب البزون

الجريدي..ذكر الفار

البزون..هي القط او الهر

اكيد تعرف الشوارب..ههه

ويعني ان السكران يرمي بنفسه في التهلكه من دون ان يدري..

اما المثل الثالث ..أعذرني ..لا استطيع شرحه!!

ايه احنا العراقيين نبدع بالامثال

مشكوره حبيبتي الفاطميه

حلوة الأمثال العراقية أنا أحب العراقيين وأمثالهم تعجبني معبرة

ترى احنا الخليجيين نتشابه وايد في الامثال والعادات والتقاليد

أمثال حلوة تسلم الأيادي

أمثال حلوة تسلم ايدك على الموضوع